You are currently browsing the monthly archive for July 2012.
Hope you enjoy this lyrical reflection on Facebook by Mark Gallagher as much as I did…
Scottish Poem Against Facebook. (a la Robert Burns)
Am a cyber-geek at Facebook High,
Maist friend requests get nae reply,
The in-crowd still ignore me noo,
Their pages ah cannae even view,
It’s so like school it’s beyond a joke,
The braw birds ah still dinnae get tae poke,
Am unpopular, never understood it fully,
Get called a twat fae the cyber-bully,
At Facebook High jist want tae fit-in,
But at virtual lunch, it’s still alone am sittin’;
Ah’d be a great friend tae the in-crowd,
Ayeways Rollin On Floor, or Laughin Out Loud,
Ah could like the same stuff that they dae,
‘Cos ah wid gie it the thumbs up tae,
Ah wis never invited fer a virtual pint,
Ah thought peer pressure wis left ahint,
Ah’ve tried fake photaes an’ lies aboot lifestyle
Tae get their respect wi ma false profile,
An’ ah’ve never been that gid at games,
So fitbaw or Farmville, ah’d still get caw’d names;
Ah wis once invited tae a secret group,
Ah clique had let me in their loop,
Here they were, the cream ay the school,
The Kings an’ Queens, the folk who’re cool,
Ah wis there wi aw the popular folk,
But it turned oot tae be a great, big joke,
The first ‘hing asked wis who ye hated
The maist at the school, an’ ah wis top-rated,
But as soon as ah gave ma input,
They deleted me an’ kicked me oot;
Ah gave up tryin’ tae be their friends,
The High School bullshit never ends,
It’s still aw aboot popularity, status,
An’ how ither folk hate us or rate us,
“Are they fatter noo? Dae they hae kids?
Happily mairried or oan the skids?
Fancy joab an’ a big flash car,
Aye, we kennt that swot wid aye go far,
Such an’ such has let theirsel’ go,
An’ thing-mi-jig is bald is he no’?”
It’s jist a massive gossip site,
Reflect oan that as ye log in the night,
Am noo an ex-pupil ay Facebook High,
Ah expelled masel’ tae gie the real world a try.
